Visekonsert og humorshow

Torolf Nordbø, med humorfiguren «Han Innante», kjem til Valen kyrkje tysdag 3. mars.

Det vert visekonsert med Torolf og humorshow med «Han Innante». Nordbø syng eigne songar med norsk tekst frå dei. Til visene akkompagnerer han sjølv med gitar og munnspel. Musikkstilen er vise, roots og country.

Torolf Nordbø er kjend frå NRK TV og radio; Ønskekonserten, Norsktoppen, Salmer og Sanger, Beat for Beat og Sanger om Norge er mellom dei programma han har medverka i. Han har og hatt duettar m.a. med Rita Eriksen, Sondre Bratland, Rita Fotland, Hilde Svela, Britt Synnøve Johansen, Rønnaug Foss Alsvig og Synnøve  Aanensen.

Som «Han Innante» har Torolf gjeve ut fem cd-ar, dvd-ar og humorbøker. Han har også reist rundt heile landet i årevis med motivasjons- og inspirasjons-opplegg, mest for større firma, men òg for kyrkjelydar og offentlege institusjonar.

Torolf Nordbø (og «Han Innante») har reist rundt i Sør-Norge med mange revyturnear med m.a. revyen ”Misjonæren og Hedningen”,  med Per Inge Torkelsen. Han har og spela revy på ”Latter” i Oslo med m.a. Jon Niklas Rønning og Rune Andersen. For tida turnerer han med større produksjonar saman med m.a. Steinar Albrigtsen og Gunstein Draugedalen.

Torolf Nordbø er utdanna pedagog og har vore lærar i den vidaregåande skulen. Elles har han jobba fleire år på anlegg som jernbindar og i Nordsjøen i oljeboring. Han har også vore misjonsarbeidar for Misjonsforbundet i Congo, der han m.a. spela i eit band i den kongolesiske kyrkja saman med fire kongolesarar og ein svenske, melder Jan-Ove Fagerheim på vegne av arrangøren