Vil ikkje avsløra sluttavtalen enno
Ordføraren var ordknapp etter den lange diskusjonen om sluttavtalen til rådmannen, og ville ikkje avsløra innhaldet i han enno.
-Eg vil ikkje seia noko på det noverande tidspunkt, sa Peder Sjo Slettebø (H) då Grenda spurde om han ville kommentera debatten.
Han la likevel til at det først vart gjeve ei orientering frå advokatane si side, der det vart opna for at alle som ville kunne få stilla spørsmål til prosessen.
Artikkelen held fram under annonsen.
-Deretter hadde vi ein grundig debatt, sa ordføraren.
-Kor tid får vi vita innhaldet i sluttavtalen?
-Det veit eg ikkje førebels. Dette vil eg først diskutera med rådmannen, sa han.
Etter det Grenda kjenner til har rådmannen fått meir enn 12 månaders etterløn.