Vil du spela fotball i 7. divisjon?

I så fall ynskjer Strand-Ulv å koma i kontakt med deg.

– Vi ynskjer å utvida spelarstallen før neste sesong. Sesongen som var har me fått etablert på beina eit lag i 7. divisjon med ei stabil kjerne både på trening og i kamp. Men no er me på jakt etter nye spelarar, seier Martin Myrvold.

For med «Ulvane» si målsetning om å bygga eit lag som er levedyktig fleire år fram i tid, er dei avhengige av nytt tilskot til laget.

– Me søkjer spelarar som ynskjer å trena to gonger i veka, og å spela kamp på ein av dei absolutt beste kunstgrasbanane i heile fylket, seier Myrvold og legg til:

– Me er på jakt etter både erfarne ringrevar og yngre jyplingar.