Viking på topp etter overtidssiger
Johnny Furdal spelte nok ein gong ei hovudrolle då Viking slo Ullensaker/Kisa 1-0 på SR-Bank Arena søndag ettermiddag.
I nittitre minutt og tjue sekund såg det ut som at blåtrøyene skulle snubla på eige kunstgras i den viktige kampen mot Ull/Kisa søndag. Men med kampens nest siste spark på ballen serverte Johnny Furdal Tommy Høiland føre mål, toppscoraren gjorde ingen feil og sendte 8.000 Viking-tilskodarar til himmels.
Artikkelen held fram under annonsen.
Seinare søndag kveld gjekk det frå bra til betre for Viking, då Sogndal stakk av med alle tre poenga heime mot opprykksjagande Aalesund. Med det rykka Viking opp på 1. plass på tabellen og ligg no eitt poeng føre Mjøndalen, som skal i aksjon borte mot HamKam tysdag kveld.