(Arkivfoto)

Viking fekk pryl i serieopninga

Johnny Furdal og Viking tok leiinga to gonger heime mot Bodø/Glimt tysdag, likevel var det gultrøyene som jubla sist.

Det vart ein forrykande seriepremiere i Jattavågen då Viking tok i mot Bodø/Glimt tysdag. Dei 200 Viking-supporterane på SR-Bank Arena fekk mykje å jubla over i starten. Først etter at Fredrik Torsteinbø hadde nikka inn ein corner i det 20. minutt, og igjen då Even Østensen sende vertane opp i 2-1 på lekkert vis 20 minuttar seinare.

Artikkelen held fram under annonsen.

Men der stoppa også gleda for Viking-supporterane.

Etter sidebyte var det gjestane frå nord alt handla om. Fjorårets sensasjon i eliteserien viste at dei framleis kan spela fotball, og køyrde over vertane utover i kampen. 2-1 til pause vart til 2-4 ved full tid, med det gav Bodø/Glimt Viking ein verst mogleg start på årets sesong.

Johnny Furdal starta kampen for blåtrøyene og vart teken av i det 72. minutt. Han starta bra med å dribla Bodø/Glimt backen opp i pølseboda i opningsminutt, vidare varta han opp med eit par flotte pasningar, før han bomma på ein gedigen sjanse frå fem meter i det 36. minutt. Som Viking elles vart også Furdal meir usynleg utover i oppgjeret.