Vestlandsfanden opnar nytt kulturkonsept på Husnes  

Marius Tveit Nissestad

Marius Tveit Nissestad

marius@grenda.no

Publisert: 8. februar 2019, 09:55

23. mars står Vestlandsfanden på scena i Kulturhuset Husnes. Då gjer dei det som det fyrste bandet ut i den nye arrangementserien Troldstreker.

– Troldstreker er ei ny og spanande arrangementserie som skal overraska og underhalda publikum på Husnes. Fyrst ut får vi ein konsert med Vestlandsfanden. To månadar seinare kjem det ein ny troldstrek med Rune Rudberg, før Gardsbruk kjem på besøk. I tillegg er det også mykje anna gøy i vente, skriv Showbasen i ei pressemelding.

Med eit mål om å gjera Husnes til ein stad heile Sunnhordland og Hardanger kjem til for å oppleva kultur, fest og moro i 2019, har Showasen AS etablert konseptet Troldstrekar.

– Vi brenn for å bringa kultur til heimbygda og å skapa god stemning. Troldstrekar er eit nytt produkt som Showbasen satsar fullt på i 2019. Med dette ventar eit realt kulturår for Husnes dette året, heiter det i pressemeldinga.

Kulturåret opnar med Vestlandsfanden i Kulturhuset Husnes 23. mars.

– Både oss og Vestlandsfanden er einig med at «For livets glade gutter går solen aldri ned» og difor satsar me alt på å gjera alle i troldstrekane «Gode som gull», heiter det i pressemeldinga.

I tillegg melder arrangørane at det i løpet av året vi vera sju troldstrekar på Husnes. I tillegg til Vestlandsfanden er Rune Rudberg booka inn til 11. mai og Gardsbruk 17. august.