Var med på storkonsert i Grieghallen

Koret Rosendal tweens deltok i helga på Storkonsert 2018 i Grieghallen. Rosendal tweens var eit av mange kor som til saman laga storkoret med mange og allsidige innslag denne kvelden.

Håvard Sætrevik

Håvard Sætrevik

haavard@grenda.no

Sist oppdatert: 10. februar 2018, 13:00

– Gruppa frå Rosendal hadde helga 13. og 14. januar besøk av koreograf Ingunn Eckhoff då dei var på danseseminar på bu heime-leiren til søndagsskulen i Omvikdalen. Saman lærte dei koreografi til eine songen som vart framført 4. februar, framfor mange hundre publikummarar i Grieghallen. Ikkje fritt for at det var både svært spennande og svært kjekt, melder Solfrid Hellesøy Siqveland.

Bak konserten står familiegruppa Team SULEBAKK frå Bergen, og med seg på scenen har dei barnekor, dansegrupper og mange kjente og kjære artistvener. Gruppa har sidan 2006 reist landet rundt og besøkt kyrkjelydar, barnekor, ungdomsklubbar, konfirmantgrupper, delteke på festivalar og sommarstemne.

I alt var om lag 400 barn og unge i aksjon på scenen. Ein del av konserten hadde eit kristent fokus, og var eit samarbeid mellom glade amatørar og profesjonelle musikarar.