Skal utvikla komande blåkvalar

Ronny Holmedal frå Sandvoll går frå jobben som assistenttrenar og blir i 2017 utviklingssjef i Sandefjord Fotball si nye utviklingsavdeling.

Marius Tveit Nissestad

Marius Tveit Nissestad

marius@grenda.no

Publisert: 4. november 2016, 12:03

Etter tre år som Lars Bohinens mest trufaste i Sandefjord sitt støtteapparat, går Holmedal no inn i rolla som den nyopprykka Tippeligaklubbens nye utviklingssjef.

Han vil frå og med 2017 ha ansvaret for å leia den hardtsatsande utviklingsavdelinga til Vestfold-klubben, og har i oppgåva om å leggja forholda best mogleg til rette for å at unge vestfoldingar skal ta steget opp i toppfotballen.

– Mitt tette samarbeid med Lars over tre år er ein kjempefordel for Sandefjord Fotball og unge spelarar i dette grepet. Vi kjenner kvarandre godt, og er ekstremt svoltne på å byggja den beste utgåva av Sandefjord Fotball, for klubbe, byen og folket, seier Holmedal til Sandefjordfotball.no