– Tusen takk for ei fantastisk støtte
Kjære Kvinnheringar i alle grender og krokar i noregs land.
Tusen takk for ei fantastisk støtte under min semifinale i Norske talenter. Det var ei fantastisk oppleving å stø føre kamera med Kvinnheradsbunaden på og kjenna støtta heimfrå!
Artikkelen held fram under annonsen.
Eg gjorde mitt beste og blei topp 3 i eit knallsterkt program takka vere dåke. Eg er stolt av å vera Kvinnhering, og er utruleg takksam for alle stemmer og alle kjekke helsingar eg fekk i etterkant.
Eg ynskjer å dela teksten eg framførte, som eg skreiv for anledningen. Målet mitt var å skriva noko som kunne bety noko for nokon, og skulle eg ryka ut så ville eg gjera det med stil, i bunad.
Tusen takk for all støtte!
Helsing Arne Torget
DU KAN VERA DEN BESTE AV DEG SJØL
Har du tenkt på at du er heilt unik?
Artikkelen held fram under annonsen.
Du har all grunn til å kjenna deg rik!
Akkurat DU er heilt spesiell
Ha tru på deg sjøl, du kan flytta fjell.
Ikkje tenk på truslar i det fjerne
I ditt liv er det du som er stjerne!
Det er ingenting som kjem rekande på ei fjøl
-men du kan vera den beste av deg sjøl.
Artikkelen held fram under annonsen.
Vaknar du med usikkerhet og tvil
Stå opp og møt dagen med eit smil.
Snu deg sjølv til følelsen av lykke
Tenk at livet er ein fest og at du er eit smykke.
Ikkje gå ut i dagen og ver redd
Ikkje tenk at du er det svakaste ledd.
Artikkelen held fram under annonsen.
Gå ut i kvardagen og ta initiativ
Det er du som er sjefen i ditt liv.
Ikkje la dumme tankar vinna
Gjer dei små, la dei forsvinna.
Du må ikkje vere redd for å feile
Husk at sjefen, han ser du i speilet.
Artikkelen held fram under annonsen.
Gjer små ting som gjer deg meistring
Tillat deg sjølv å skapa begeistring.
Våg å ver sterk, våg å kjenn glede
Våg å ver våken, våg å ver til stede!
Gå ut i dagen med ditt gode humør
gjer ting du aldri har gjordt før.
Spre glede og la folk få sjå
Artikkelen held fram under annonsen.
Gå gjerne ut i kvardagen med bunaden på.