I vande for spelarar før sesongstart

Marius Tveit Nissestad

Marius Tveit Nissestad

marius@grenda.no

Publisert: 15. august 2019, 12:15

I kveld smashar volleyballdamene til Trio i gang treningane for fyrste gong etter ferien. Men kor mange spelarar dei har tilgjengeleg før sesongen brakar i gang, det veit dei ikkje enno.

– Vi veit at vi mister nokon spelarar til studiar og slikt, det frå ein stall som allereie var ganske tynnsliten i fjor. Så vi er nok i vande for fleire spelarar, seier Stian Petterson.

Laget, som har hatt for vane med å sanka 1. plassar i 2. divisjon dei siste åra, gjekk i fjor inn i sesongen med eit mål om å berga plassen. Men det unge laget overraska både seg sjølv og andre med storspel utover i sesongen, og vart til slutt nummer tre i divisjonen.

– Vi visste lite på førehand, men levert veldig bra til slutt. Til liks med i fjor veit vi ganske lite no òg. Men vi treng spelarar, og både gamle og nye volleyballspelarar er velkomne. Men det er klart at det krevjar litt av ein å spela i andre divisjon. Det er ikkje berre leik og moro, seier Stian som håpar det skal bli ein kjekk sesong.

– Det skal bli kjekt å koma i gang igjen, og vi gler oss stort. Men vi er avhengige av at det kjem folk og håpar at det kjem mange. Så om det er nokon som har interesse for volleyball og føler dei kan spela i 2. divisjon så er det berre å ta turen på trening, sluttar trenaren.