Treng at fleire engasjerer seg
– Det blir vanskeleg å laga ein ny festival utan at nokon engasjerer seg.
Una Kolle er klar på kor utfordringa til Festidalen i framtida ligg.
Artikkelen held fram under annonsen.
– Me treng fleire folk til å drifta organisasjonen. Det er mykje arbeid som ligg bak, og det er vanskeleg å få dette til utan at nye engasjerer seg. Det handlar ikkje berre om å ha nok frivillige på jordet under festivalen, viss det skal bli Festidalen i 2020, så byrjar det arbeidet no, slår festivalsjef Kolle fast.
Der andre festivalar har nokre som er tilsette i festivalen, går alt hos Festidalen på dugnad. Berre i løpet av festivaldagane var kring 300 frivillige i sving. Kvar av la ned minst ti timar arbeid på dugnad.
– Det er utruleg kjekt å sjå at innsatsen vert sett pris på. Me får ekstremt gode tilbakemeldingar på blide, hjelpsame og dyktige frivillige. Det varmar, sluttar Kolle.