Tre dagar med liv og leik

I kveld brakar det laus med ei ny utgåve av den tradisjonsrike Sæbøvikfestivalen. Arrangørane lovar tre dagar med liv og leik, leven og moro.

Festivalen startar i kveld med arrangementet dei kallar «kaijazz». Det betyr sal av fiskesuppe og konsert med Hungry John på Pub no. 13. På fredag er det den store krabbe- og rekefesten som dominerer bygda. Utanom om matbordet med alskens godsaker frå sjøen, vert det invitert til ymse underhaldning, mellom anna musikk med Stig Arild Fosse og dans med Splint.

Laurdag morgon vert det som vanleg servert frukost i teltet, før fiskefestivalen startar. Då blir det ulike leiker og fiskekonkurranse. Elles vert det sommarbasar med ordførar Peder Sjo Slettebø og musikk ved Sølvi Marie med band. På kvelden vert Sæbøvikfestivalen avslutta med to dansar. På den eine spelar Gardsbruk, på den høyra kan gjestene svinga seg til Splint.