Ynskjer nedsett fartsgrense og soneskilt
Kvinnherad kommune kjem i brev til Statens vegvesen med ynske om nedsett fartsgrensa og soneskilt på kommuneveg 1040 i Herøysund.
Førespurnaden kjem frå einingsleiar i veg og park, Terje Natland. Brevet vitnar eit ynske frå Kvinnherad kommune om at det blir vedteke sonegrense på 30 km/t frå Fylkesveg 500 i nord, inn til Sjøvegen, til vegen igjen møter FV 500 i sør.
Ynsket om 30-sone er grunna at skilting med fartsgrense 40 km/t inn til alle interne vegar både blir for omfattande og kostbart. I brevet blir det argumentert for at det blant anna er mykje bustader i området, nye og eldre, skule og barnehage.
