Nattestengjer vegen mellom Kroka og Sunndal
Grunna sikringsarbeid blir vegen mellom Kroka og Sunndal nattestengt frå måndag 30. mai til fredag 3. juni.
Fv. 500 mellom Kroka og Sunndal blir i samband med tunneldrivinga stengt om natta. Dette grunna sikring av ei høg fjellskjering langs vegen. Arbeidet blir gjennomført for å sikre trafikantar og dei som jobbar langs vegen. Dette vil likevel ikkje gå ut over bussar i rute.
Stengetidspunkta blir frå måndag 30. mai til fredag 3. juni frå kl. 21.00 - 05.00. Det blir ope for gjennomkøyring frå kl. 23.30 - 00.30, står det i pressemeldinga frå Vestland fylkeskommune.
