Totalvraka bilen – mistenkt for ruskøyring

Ein 26-år gamal mann er mistenkt for køyring i rusa tilstand etter at han krasja i ein steinmur i nærleiken av Furubergfossen like før klokka 20.00 onsdag.

Marius Tveit Nissestad

Marius Tveit Nissestad

marius@grenda.no

12 juli, 2017

Det melder Politiet i Hordaland på sin Twitter-konto.

Mannen virka ifølgje operasjonsleiar oppegåande, men vart frakta til sjukehus med ambulanse. Personbilen skal vera totalvraka etter uhellet.

– Bilen er beskriven som eit totalvrak. Førar er teken med til sjukehus i ambulanse, opplyser operasjonsleiar til Nrk Hordaland.

Vegen var stengt like etter ulukka, men var rydda og open for fri ferdsel igjen like før klokka 21.00.