Torget og Brekke til Snikkeriet

Marius Tveit Nissestad

Marius Tveit Nissestad

marius@grenda.no

Publisert: 30. mai 2020, 07:43

Etter å månadar utan arrangement har komikarduoen Arne Torget og Roar Brekke bestemt seg for å prøva seg på Snikkeriet 5. og 6. juni.

Duoen har heldt seg varme med ei rad direktesende show på internett i koronatida. I juni vil duoen igjen stå føre publikum.

– Vi er glade og yre når vi endeleg skal få prøva oss på Snikkeriet for inntil 50 personar igjen 5. og 6. juni. Snikkeriet har nytta koronapausen godt til å pussa opp dei trivelege lokala sine og fått eit meir ope og pipefritt lokale, skriv Torget og Brekke i ei pressemelding.

Duoen har samarbeidd sidan 2012 og stått på fleire scenar både i og utanfor Kvinnherad i løpet av dei åtte åra.

– Og det er Rosendal som er favorittplassen som vi alltid kjem attende til. Vi gler oss til å spreia glede i komikk, lyrikk og spontane innfall på Snikkeriet. Folk er hjarteleg velkomne, ikkje minst for å stø opp om den flotte utestaden i det idylliske raude huset i Rosendal, skriv komikarduoen.