Tok gull etter vanvitig snuoperasjon
Lars Kristian Ekeland og Henrik Tholo Aasen tok gull i den Nord-Europeiske U17-meisterskapen i volleyball.
Det etter ein neglebitar av ein finale mot Finland torsdag kveld. For etter ein trøblete start låg Norge under 2-0 i sett mot finnane, som då såg ut til å cruisa inn til gull. Men Norge ville det annleis.
Artikkelen held fram under annonsen.
Det tredje settet var ein spanande affære, der Lars Kristian, Henrik og resten av U17-landslaget drog det lengste strået med 26-24.
Ein settsiger som både gav meirsmak og motivasjon, for i kampens fjerde sett vann Norge med komfortable 25-18, før dei stakk av garde med meisterskapstittelen med 15-13 i det avgjerande femte settet.