To nye smittetilfelle i Kvinnherad

Det er tysdag stadfesta to nye smittetilfelle i Kvinnherad.

Tysdag morgon melder Kvinnherad kommune at det er påvist to nye smittetilfelle i Kvinnherad. Begge dei påviste tilfella er såkalla importsmitte.

– Det er arbeidssmitte. Innleigd arbeidskraft til Kvinnherad. Vi er ferdige med smittesporinga, og den var ganske ryddig. Dette er ein gjeng som er saman og som har vore i karantene, så det har gått veldig greitt, seier kommuneoverlege Glenn André Opland.

Han fortel også at det er bedriftshelsetenesta AktiMed på Husnes som har testa personane.

Etter nokon rolege dagar i testteltet i høgtida, der færre testa seg. Var det måndag fullt køyr nede i Podlen igjen.

– Det har teke seg opp med testing. Berre i går var det opp mot 80 personar som testa seg. Så det kan fort bli litt å gjera etter kvart, eg har i alle fall ein mistanke om det, seier Opland.