To bilar i grøfta i Austrepollen

Glatt vegbane førte to bilar i grøfta i Kanalsvingen i Austrepollen.

 

Trass i at det har vore tosifra varmegrader i Kvinnherad denne fredagen, var det null grader og spinnglatt på asfalten i Austrepollen i kveld, noko ei tjukk tåke mellom anna var å forårsaka. Litt før kl. 20 vart først ein bil lurt av køyreforholda og hamna i autovernet i Kanalsvingen, på Sunndal-sida av brua. Like etterpå kom endå ein bil på veg mot Folgefonntunnelen, og hamna i grøfta like bak den andre. Ingen av bilane skal hatt høg fart.

– Det var overraskande glatt, så vidt eg klarte å stå på beina då eg steig ut av bilen, fortel vitnet Jakob Gjerde til Grenda.

Han kom til ulukkesstaden like etter den siste bilen sklei ut av vegbanen, Gjerde fortel om full utrykking frå nødetatane.

Politiet melder på Twitter at ein bilførar blir undersøkt av helse, grunna brystsmerter. Vegtrafikksentralen er informert, og sender strøbil. Kanalsvingen er den krappe svingen ved kanalen som kjem ut frå kraftverket til Statkraft, ein sving som er notorisk kjent for å vera vanskeleg på vinterstid,