Tina scora flest då Dortmund varta opp med festhandball
Tina Abdulla vart Borussia Dortmund sin toppscorar med sju mål då gultrøyene knuste Wildungen 36-28 onsdag kveld.
Det gule toget stormar på mot eit nytt ligagull i den tyske eliteserien i handball. Onsdag kveld tok dei i mot HSG Bad Wildungen til sin siste kamp i 2020. Det gjekk som det har gjort i kvar seriekamp Dortmund har spelt så langt denne sesongen, det vart siger til gultrøyene.
Artikkelen held fram under annonsen.
Lokalavisa Ruhr Nachrichten omtalar kampen som eit offensivt fyrverkeri av heimelaget. Eit fyrverkeri som vart leia an av Tina Abdulla frå Husnes.
Med sju mål frå sin høgrekantposisjon vart ho vertane sin toppscorar i oppgjeret. Ho vert av lokalavisa trekt fram som ein av kampens beste spelarar. Tina sine tre raske mål like før pause gav Dortmund ei trygg 19-12-leiing før 2. omgang.
Etter pause fann Dortmund nettet 17 gongar til, og tok med det ein kontrollert 36-28-siger mot Wildungen. Med det kan Tina og lagvenninnene hennar feira nyttår med ni sigrar av ni mogleg i Bundesligaen.