Til Baku som landslagstrenar

Marius Tveit Nissestad

Marius Tveit Nissestad

marius@grenda.no

Sist oppdatert: 2. juli 2019, 14:00

Jonathan Byrkjenes vert hovudleiar og trenar for det norske friidrettslandslaget som reiser til European Youth Olympic Festival i Baku 21. juli.

Tysdag tok Olympiatoppen ut 18 friidrettsutøvarar til European Youth Olympic Festival (EYOF) som vert arrangert i Baku, Aserbajdsjan mellom 21. og 27. juli. Til meisterskapen har Norges Friidrettsforbund plukka ut dagleg leiar i Rosendal Turnlag, Jonathan Varelo Byrkjenes, som hovudleiar og trenar for friidrettsdelegasjonen.

Som hovudleiar får RTL sin daglege leiar det overordna ansvaret for at friidrettsopplegget til Norge skal gå så knirkefritt som mogleg i Baku. Ei oppgåve han kjenner godt frå før. Dette vert nemleg andre gong Jonathan representerer Norge som hovudleiar i eit stort meisterskap. I fjor hadde han same rolla då U18-landslaget deltok i EM i friidrett i Györ.