Tek inn vatn - alle evakuert

MF "Hordaland" på sambandet Årsnes-Varaldsøy-Gjermundshamn tek inn vatn. Klokka 08.30 melder konstituert lensmann Sigurd Børve at alle passasjerane no er evakuert til Varaldsøy.

Torsdag morgon cirka 08.30 rykte alt av politi og ambulansar, samt branntroppen i Rosendal, ut i retning Årsnes. Årsaka var at MF "Hordaland" tok inn vatn midtfjords.

- Det var ei stund uklart om ferja ville koma seg til Varaldsøy, men det siste no er at ho er kome til kai og alle passasjerane evakuerte på land på Varaldsøy. Situasjonen for ferja er framleis uavklart, opplyste Sigurd Børve.