Tar vare på gamlehuset på Dyrnes
Det er ikkje rett få som har sommarhus i Kvinnherad. Mange av dei er eldre husa blir bevart og haldne ved like av nye eigarar.
Artikkelen held fram under annonsen.
I samband med at Kvinnherad kommune arbeider fram ein kulturminneplan, har Merethe Offerdal Tveit laga tre filmar innan temaet på oppdrag av kommunen.
– Filmen er meint som ein inspirasjon for arbeidet med kulturminne og plan for desse i Kvinnherad, og som eit døme på korleis nokon fører kulturarven vår vidare, skriv kulturkonsulent Anita Lykkja om filmen.
https://www.youtube.com/watch?v=SL3J3l3-IZI&ab_channel=Kvinnheradkommune&fbclid=IwAR0MTRIPkyfU4Lxm-8k7XRw22ITlaiPy_stHMFD1BVNL1ajmyhIlrfvudgw
Vidare skriv Lykkje om filmen:
Gamlehuset på Dyrnes er sommarhuset til Eva og Tor-Bjarne Tofte. Dei kjøpte huset for 25 år sidan. Slik fekk familien frå Stord eit sommarhus på Borgundøy. Dei har vøla og restaurert huset, ute og inne, og dei har i mange år hatt sommarlivet sitt her. Det har vorte skrive bøker, og det har vorte måla bilete i Gamlehuset på Dyrnes. Det har vorte ete gode frukostar i milde sommarmorgonar, med ope glas og surrande bier. Ungar har leika, og dørene har vore opne for folk som kom på besøk. Gamlehuset er eit sommarhus som mange er glade i, og som Tor Bjarne seier: «Etter kvart som ein vart kjend med huset, så vart ein både meir glad i det og fekk meir respekt for det».
Bygget er typisk empire. Midt på 1800-talet, når bonde-empiren kom inn, vart dette huset bygd. Det har midtgang, kjøkken, kammers på sida og sal oppe. Vindauga på sørsida, har hengsler på midten, fordi dei er utsette for vind og ver. På nordsida er alltid den eldste bordkledningen og dei eldste vindauga fordi det her er minst drev. På sørsida er det anna farge på målinga og trenaglar.
Artikkelen held fram under annonsen.
Bli med til Dyrnes på Borgundøy, og opplev Gamlehuset, sommarhuset til Eva og Tor-Bjarne Tofte. Det er historia om ein familie som tek godt vare på eit kjært kulturminne, og ikkje minst, Gamlehuset på Dyrnes tek godt vare på familien!
Ta gjerne kontakt med oss i kommune og blir med på arbeidet med denne kommunedelplanen for kultur. Alle kan delta, melder Lykkja.