(Illustrasjonsfoto)

Syklist påkøyrt på Halsnøy

Ein syklist er frakta til Stord sjukehus med ambulanse etter ei ulykke ved Halsnøy kloster.

Like før klokka 17.30 meldte Vest politidistrikt at politi og ambulanse var på veg til Halsnøy etter meldingar om at ein syklist var påkøyrt av ein bil.

Artikkelen held fram under annonsen.

Ein halvtime seinare meldte dei at syklisten var frakta til Stord sjukehus med ambulanse, at skadeomfanget framleis er ukjent og at politiet avhøyrer vitne på staden.

– Det har skjedd på ein parkeringsplass, så både bilist og syklist hadde låg fart. Syklisten er både vaken og bevisst ifølgje innringarar på staden, seier operasjonsleiar Dag Olav Vinje til NRK Hordaland.