Styrk Bekkenes ny konserndirektør i Incus Investor

Håvard Sætrevik

Håvard Sætrevik

haavard@grenda.no

Publisert: 14. mars 2019, 21:59

Det nordiske industrielle investeringsselskapet Incus Investor ASA har utnemnt Styrk Bekkenes til ny administrerande direktør i konsernet.

– Gjennom Styrk Bekkenes får me ein konsernleiar med omfattande industriell erfaring frå maritim sektor, der det vert stilt store krav til fokus på ei sunn operasjonell drift og finansielle resultat. Bekkenes vil vera sentral i den strategiprosessen som selskapet har sett i verk, og styret ser på tilsetjinga som svært spennande og framtidsretta, seier styreleder Dag Schjerven i ei pressemelding.

Bekkenes tiltrer stillinga 15. mars.

– Eg ser store mogelegheiter for å utvikla Incus Investor vidare, uttaler den nye konserndirektøren i pressemeldinga.

– Etter å ha brukt litt tid på å utforska nye mogelegheiter, gler eg meg no til å ta fatt på mitt virke i Incus Investor, seier 45-åringen vidare.

Incus Investor er eit nordisk industrielt investeringsselskap notert på Oslo børs. Selskapet har fem porteføljeselskap hovudsakleg retta mot maritim industri, og har hovudkontor i Stavanger.