(Arkivfoto)

Strøymer lukka gudstenester

Éi gudsteneste blir open, medan lysmesse blir strøymd.

– I år er det ei annleis adventstid i kyrkja. Me får berre ha 50 personar i kyrkjene om gongen. Det fører til at ein god del av gudstenestene blir lukka for folk flest, blant anna lysmessene som berre blir for konfirmantane, melder sokneprestane Kjersti Brakestad Boge og Åse Selsvold.

Artikkelen held fram under annonsen.

I Husnes kyrkje blir det ikkje lysmesse i år, det vil i staden vere ei lysmesse i Valen kyrkje berre for konfirmantane. I Kvinnherad kyrkje blir lysmessa i år for konfirmantane og dei nærmaste i familien. Men denne lysmessa blir strøyma og lagt ut på nettsida til www.kvinnherad.kyrkja.no., der alle kan sjå.

– Sidan det er så få opne gudstenester har Kvinnherad sokneråd bestemt at det no skal vera ei open, enkel, vanleg gudsteneste i Kvinnherad kyrkje 2. søndag i advent, 6.desember. Då er dei som ynskjer det hjarteleg velkomne, seier sokneprestane.