Strålande start på billettsalet

Morten Nygård

Morten Nygård

morten@grenda.no

Publisert: 4. februar 2020, 07:22

Interessa for Rosendal Kammermusikkfestival, som går av stabelen frå 6. til 9. august, ser ut til å vera svært stor også i år.

Kanskje ikkje så overraskande med tanke på at årets komponist er sjølvaste Ludwig van Beethoven.

– Allereie den fyrste helga etter at billettsalet opna, var alle hotellpakkane utselde. No har vi også inngått samarbeid med Husnes Sentrum Hotell, opplyser Reidar Nedrebø på Baroniet Rosendal.

Han understrekar at det framleis er ledige billettar til alle arrangement, men salet går altså godt.