Illustrasjonfoto.

Størst prosentvis nedgang i arbeidsløysa

Med ein nedgang på 39 prosent i arbeidsløysa i juni 2019 samanlikna med året før, er Kvinnherad den kommunen i Sunnhordland med størst prosentvis nedgang i talet arbeidslause.

Sunnhordland er den regionen som kan visa til størst nedgang i arbeidsløysa i juni. Med 498 heilt arbeidsledige i juni 2019, betyr det at det er 173 færre heilt arbeidsledige i Sunnhordland no enn på same tid i fjor.

Artikkelen held fram under annonsen.

– Sunnhordland er denne månaden regionen i Hordaland og Sogn og Fjordane med størst nedgang med 26 prosent i forhold til juni 2018. Det er veldig positivt å sjå at den høge aktiviteten på arbeidsmarknaden held fram. Alle kommunane i regionen har hatt ein nedgang i arbeidsløysa, seier Astrid Østerlid, leiar for NAV region Sunnhordland i ei pressemelding.

Lågast arbeidsløyse er det i Etne (1,2%), Fitjar (1,4%) og Kvinnherad (1,4%).

– Størst nedgang i forhold til i fjor har Stord med 71 færre arbeidsledige personar, medan Kvinnherad har størst prosentvis nedgang med 39 prosent, står det å lesa i pressemeldinga.