Stoppa med promille – for andre gong

Ein mann var torsdag kveld ute på køyretur i Rosendal, det trass i at han verken var edru eller hadde førarkort.

Marius Tveit Nissestad

Marius Tveit Nissestad

marius@grenda.no

9 juni, 2017

Politiet stoppa torsdag klokka 17.15 ein mann som køyrde bil i rusa tilstand i Rosendal. Det viste seg også at vedkomande allereie hadde ei uoppklara promillekøyringssak knytt til seg frå tidlegare, og såleis også køyrde utan førarkort. Mannen vart teken med til legevakt for å gje blodprøve, og er no mistenkt for å ha køyrd bil i rusa tilstand.

– Det vert oppretta ei ny sak i samband med den uoppklara saka vedkomande har frå tidlegare, fortel politioverbetjent Sigurd Børve ved Kvinnherad lensmannskontor.