Stiller ut på Fotografiets dag
Atle Helland og Torstein Lund Eik er blant 47 juryerte utstillarar på Fotografiets dag i Halden førstkomande søndag.
Søndag 18. august går Fotografiets dag av stabelen i Preus museet i Halden. Til den juryerte utstillinga, som finn stad i artilleriverkstaden, fekk juryen inn 100 innsende bidrag. Juryen plukka så ut dei 47 beste bidraga, som skal få lov til å stilla ut sine bilete under temaet «Helt dyrisk».
Artikkelen held fram under annonsen.
Blant dei finn vi Torstein Lund Eik og Atle Helland.
– Det er berre artig å bli plukka ut. Heilt dyrisk er eit tema som kan vera så mykje, og eg trur vi får sjå veldig mykje forskjelleg. Sjølv stiller eg med ein serie eg har laga av gamaldags griseslakting, seier Atle Helland.
Torstein Lund Eik stiller ut sine portrett av sauen.