Stiller med 21 lag i ungdomsfotballen

Marius Tveit Nissestad

Marius Tveit Nissestad

marius@grenda.no

Publisert: 28. februar 2020, 10:30

Då påmeldingsfristen for å melda på lag i ungdomsfotballen gjekk ut torsdag i førre veke, hadde Kvinnherad-klubbane til saman meldt på 21 lag.

Det betyr at klubbfargane til Ternen, Halsnøy, Trio, Rosendal og Uskedal vert å sjå på ein fotballbane i løpet av ungdomssesongen 2020. Av klubbane i Kvinnherad er det berre Strand-Ulv som glimrar med sitt fråvær.

Trio, som har meldt på elleve lag i alderen frå 13 til 19 år, har flest. Dei har åtte påmeldte lag i Hordaland og tre i Rogaland. Blant dei finn vi også samarbeidsjuniorlaget Trio/Rosendal/Halsnøy.

Nest flest har Rosendal. For sjølv om dei ikkje stiller med herrelag denne sesongen, kan dei visa til sju lag i ungdomsfotballen, der i blant eit eige juniorlag.

Under kan du sjå heile lista over dei påmeldte ungdomslaga.