Statsministeren støttar 6-åring frå Ænes
Seks år gamle Oddbjørn Enæs sitt brev får respons både hjå ordføraren og statsministeren.
Førre tysdag prenta Grenda det artige brevet som unge Oddbjørn Enæs sendte til ordføraren. Der etterlyste Oddbjørn nytt busskur på Ænes. Ordførar Peder Sjo Slettebø jobbar med eit svar, men måndag ettermiddag la han ut ein kort kommentar på Facebook-sida si.
– Dette er vel eit av dei mest sjarmerande breva eg har fått i mi ordførargjerning. Er i ferd med å senda svar, og viss ikkje Vegvesenet set det opp, så får eg vel finna fram hammar og spiker sjølv, meldte Slettebø.
Artikkelen held fram under annonsen.
Responsen let ikkje venta på seg. Blant dei som svarte var ingen ringare enn statsminister Erna Solberg.
– For oss gamle Ænesferierende er dette et viktig fremskritt, kommenterte ho på Instagram.
Andre bad ordføraren ta med seg materiale til eit busskur i Sunndal i same slengen. Det vart òg opplyst at Oddbjørn sjølv sikkert vert med på arbeidet.
– Han er ein praktisk og kreativ fyr, heiter det i eit innlegg.