Startar innsamling til vasstrampoline

Marius Tveit Nissestad

Marius Tveit Nissestad

marius@grenda.no

Publisert: 4. juli 2020, 06:36

Valedamene ynskjer å gje bygda ein ny attraksjon. Inspirert av eldsjelene på Varaldsøy, ynskjer dei å få på plass ein vasstrampoline på Eskelandsstranda.

– Me nyttar oss av den strålande ideen til Varaldsøy bygde- og idrettslag, og vil gå til innkjøp av ein trampoline vi kan ha på sjøen ved Eskelandsstranda. Dette vil vera ein aktivitet som samlar store og små til fysisk aktivitet og sosialt samhald på ei av dei flotte strendene i bygda vår, skriv Valedamene.

Dei har oppretta ein innsamlingsaksjon via nettstaden Spleis, og har i skrivande stund fått inn 12.300 kroner.

– Vi utfordrar bygdefolket til å vera med å gi eit bidrag så skal me få trampolinen på plass på kort tid. I år blir det nok mange som ferierer heime på Valen, med ein trampoline meiner vi at vi vil vera med å bidra til herlege og positive sommarminne, skriv Valedamene.