Våren 2017 var sist Trio skipa til seriehelg i volleyball. Til helga blir volleyballspelarane i fylket omsider introdusert for Kvinnherad Arena.

Volleyball heile helga i Kvinnherad Arena

Til helga blir Kvinneherad Arena fylt med fingerslag, smash og blokk to dagar til endes.

Håvard Sætrevik
Redaktør/Grenda
Publisert

For første gong på mange år skipar Trio til seriehelg for aldersbestemte volleyballag. Laurdag spelar gutar- og jenter-17 i Kvinnherad Arena, medan speleflata og netta er sett av til 15-åringane på søndag.

– Søndag vert det også første heimekamp for damelaget, noko som blir første seriekampen dei får spela i Kvinnherad Arena, fortel Øystein Lie Sundal i volleyballgruppa til Trio.

Med mindre fotoarkivet til Grenda inneheld for store hol, blir dette første seriehelga på Husnes sidan 2017.

volleyball sport
Powered by Labrador CMS