Vann semien – cupfinale i morgon
Storhamar og Tina Abdulla var overlegne i laurdagens semifinale. Søndag skal dei spela cupfinale.
Publisert
Sist oppdatert
Under cupfinalehelga i Sør Amfi i Arendal fekk Storhamar sjansen til å revansjera fjorårets semifinaletap mot Sola. Og det klarte dei med glans. Storhamar leia 5-0 etter sju minuttar, og Sola følte seg tvunge til å ta ein tidleg time out.
«Storhamar leverte solid forsvarsspel, hadde nokre fantastiske kontringar og solid angrepsspel. I tillegg var målvakt Eli Marie Raasok i det umoglege hjørna, med ein redningsprosent på 46», skriv Storhamar på nett.
Annonse
Ved pause var stillinga 16-7 til dei gul-blå frå Hamar. Til slutt vann dei 33-23. Tina Abdulla frå Husnes stod for fire av måla, og spelte etter rapportane ein svært god kamp på sin høgre kant.
I den andre semifinalen, som vart spelt tidlegare laurdag, vann Vipers Kristiansand heile 40-24 over det gamle storlaget Larvik.
Finalen går av stabelen søndag klokka 14.00.
