Uhyre jamt i Kvinnheradløpet

Kongen av det tidlegare Kvinnheradløpet, Terje Aggvin, vart også kongen i år. Men han fekk sterk konkurranse frå fjorårets vinnar Erlend Nymark Jensen.

Det vart, undervegs i løpet, meldt at det kom til å bli ein jamn batalje mellom Jensen og Aggvin. Og når dei runda hjørna på ungdomsskulen skilte det berre nokre meter mellom dei to spreke herrane. Men rutinerte Aggvin gav aldri Jensen sjansen på oppløpet og sprang i mål knappe sekundet før Jensen, på tida 18:24.

– Det var jamt og fint, vi bytta litt på å dra og pressa kvarandre fram. Hadde det ikkje vore for at Erlend sprang halvmaraton i går, trur eg det hadde blitt vanskeleg, sa Aggvin etter løpet.

 

I kvinneklassen vart det ein overlegen siger til Hildegunn Håland. Som på tida 24:24, betra tida si frå i fjor med over halvminuttet.

 

Du kan lesa meir om Kvinnheradløpet og sjå fullstendig resultatlista i tysdagens Grenda.