Trio snudde til siger

Laurdag spelte Trio heime mot BSI 2 i 2. divisjon for volleyballdamene.

«IL Trio viste imponerande pågangsmot og vinnarvilje då dei slo BSI 3-2 i ein spennande heimekamp. Etter å ha tapt dei to fyrste setta med settsifra 22-25 og 20-25, fann laget fram kampviljen og slo sterkt tilbake», opplyser trenar Øystein Lie Sundal i ein e-post.

Han fortel vidare at med eit solid forsvar og effektivt angrepsspel tok Trio det tredje settet 25-19, før dei sikra det fjerde settet i ei nervepirrande avslutning med 26-24. I det avgjerande femte settet viste IL Trio styrke og vann 15-10.

«Trenarane er svært stolte av innsatsen til heile troppen. Laget leverte ein samla prestasjon med høg intensitet og godt samspel, noko som til slutt gav ein fortent siger», kommenterer Sundal.

Trio – BSI 2 3-2

1. sett: 22-25

2. sett: 20-25

3. sett: 25-19

4. sett: 26-24

5. sett: 15-10