Toppscorar i siste seriekamp
Tina Abdulla held fram sin gode form for Storhamar. Onsdag vart ho toppscorar i sesongens siste seriekamp.
Det var heimelaget som hadde mest i spela for i oppgjeret mot Sola. Gjestene frå Hamar hadde allereie innkassert sølvmedaljen, medan Sola med siger ville sikra seg bronse.
Kampen var jamn frå byrjing til slutt, men heimelaget fekk sigeren som sikra det 3. plassen. Tina Abdulla laga ni mål i kampen, og vart med det toppscorar for Storhamar.
Artikkelen held fram under annonsen.
Laurdag spelte Storhamar returkamp mot Odense i Champions League. Gultrøyene tapte rett nok med åtte mål i heimeoppgjeret, men dei var verkeleg med på notane i oppgjeret på Fyn. Kampen enda 30-30, etter at Storhamar hadde leia 16-13 til pause.
Etter påske startar sluttspelet for handballen, der Tina Abdulla og Storhamar byrjar med to kampar mot Fredrikstad.