To blad Femsteinevik gjekk NM-fellesstart
Både Ragnhild og Martin, begge med etternamnet Femsteinevik, stilte til start i laurdagens NM-fellesstart.
Publisert
Sist oppdatert
Fyrst i elden var damene, som gjekk ein 12,5 kilometer lang fellesstart i løypene i Alta. Ragnhild Femsteinevik låg lenge an til ei veldig bra plassering, etter tre feilfrie skytingar. Men på siste ståande vart det diverre to bom. Dermed enda ho på 9. plass. I mål var ho 1.21,3 bak Marthe Kråkstad Johansen, som tok eit populært gull på heimebane.
For Ragnhild var det i alle fall litt framgang etter fredagens sprint. Der vart ho nummer 26, etter tre bom.
Annonse
Litt seinare var det broder Martin sin tur. Han skulle prøva å følgja opp den knallsterke 5. plassen frå sprinten dagen før. Det lukkast han ikkje heilt med, men 20. plass er ikkje så halvgale, det heller. Martin var 2.42,3 bak vinnaren, ikkje ukjende Johannes Thingnes Bø. Medan Bø leverte fire feilfrie skytingar, fekk karen frå Hatlestrand serien 1, 0, 1, 1.
