Tina storspelte i Tyskland
I kvartfinalen i European League viste Tina Abdulla og Storhamar at dei kan gå heile vegen i den internasjonale turneringa.
Publisert
Sist oppdatert
Puljesigeren gav Storhamar bonusen å få starta med bortekamp i kvartfinalen mot Thüringer. Firemålssigeren i Tyskland gir Hamar-laget ein stor fordel før returkampen på heimebane komande laurdag.
Tina Abdulla var ein av dei mest markerte spelarane i denne, og noterte seg på sju mål på åtte forsøk frå høgrekanten. Trenar Kenneth Gabrielsen rapporterer til klubben si eiga heimeside at dei møtte eit godt lag, sleit forsvarsmessig gjennom heile kampen og at dei har litt å retta opp før returoppgjeret. Angrepsspelet var det derimot ingenting å seia på.
