Tina og Storhamar til Final 4 i European League
Storhamar tok ein oppskriftsmessig siger i kvartfinalen i Eueopean League. No ventar finalespelet Final 4 i Austerrike i mai.
Publisert
Sist oppdatert
Laurdag var det klart for returmøte på Hamar i kvartfinalen i European Leage mellom Storhamar og Thüringer. Storhamar hadde fire mål å gå på etter sigeren i Tyskland førre helg, og på Hamar det var det ingen tvil om kven som var best.
Trygg pauseleiing på 15-9 blei til 33-26 til slutt, samanlagt vann Storhamar med ryddige 11 mål etter dei to kvartfinalekampane.
Annonse
Tina leverte ein særs god kamp både i forsvar og angrep, og scora seks mål mot den tyske landslagsmålvakta hos Thüringer.
– Det er veldig deilig! Me kjem godt ut av starten, seks måls leiing til pause. Litt mykje tull i starten på andre omgang, men så losna det. No blir det ei lita feiring, sa Tina til Storhamar si Facebook-side etter kampen.
Samanlagtsigeren gjer at Storhamar no er klar for Final 4, for første gang i klubben sin historie. I Final 4 blir både semifinale og finale spelt same helga. Det skjer i Graz i Austerrike 11. og 12. mai.
