Tina kvilt mykje då puljesigeren allereie var sikra
Søndag spelte Storhamar og Tina Abdulla siste puljekampen i European League. Allereie før kampstart, var det klart at puljesigeren var sikra.
Publisert
Før møtet med Vaci NKSE i Ungarn starta visste Storhamar at Nykøbing Falster hadde slått Podravka. Med det var det klart at Storhamar ville vinna puljen, uavhengig av utfall av kampen.
Storhamar viste seg uansett å vera det klart beste laget i avdelinga, og vann komfortabelt med seks mål, 30-24. Gultrøyene nytta høvet til å rullera mykje på laget, og Tina Abdulla spelte lite, men noterte seg for eitt mål på dei få minutta ho var utpå parketten.
Annonse
Neste sprett i European League er mot tyske Thüringer i kvartfinalen, med bortekamp helga 16.-17. mars, og returkamp på Hamar helga etter.
Oppladinga til europacupkampen var også av det komfortable slaget. Storhamar slo den gamle storheita Byåsen 36-18. Tina scora to mål i den kampen.
