Tatt ut til junior-VM
Guro Femsteinevik har hatt ein god start på karrieren i den eldste juniorklassen 20-22 år. Hatlestrand-jenta har i vinter gjort det så bra at no er tatt ut til junior-VM seinare i månaden.
Publisert
Sist oppdatert
– Eg må innrømma at eg er spent på junior-VM-uttaket. Forhåpentlegvis er eg ein av fem som får reisa til Estland, sa Guro før uttaket vart offentleggjort.
Det er mange utøvarar i hennar klasse som har levert gode løp i dei tre uttakingshelgene. Guro håpte som sagt at det ho har levert skulle halde. Ho blei nummer sju på sprinten på Oppdal i helga, godt og vel eit døgn etter at ho hadde sikra seg sølv på fellesstarten, og med det levert ein knallsterk junior-VM-søknad.
Annonse
Junior-VM vinterens store mål
Femsteinevik la ikkje skjul på at ho hadde ønsket seg ei betre plassering på den kortaste distansen, men det var grunner til at ho hamna utanfor topp fem-lista denne gongen.
Guro var ærleg på at ho burde ha vore høgare oppe på resultatlista, då hun skaut så bra som ho gjorde. Det ble ni treff, sjølv om det ikkje var spesielt gode forhold. 19-åringen priste seg lukkeleg over at dei fekk starta før det verste uvêret sette inn.
– Det gjekk ikkje så fort som ønskeleg i sporet. Eg har meg sjølv å takka for det, ettersom eg valte feil ski før start. Eg fekk problem med gliden og strukturen då det begynte å snø mykje. Då eg var i gang med runde nummer to og tre, blei det etter kvart opphaldsvêr. Gliden blei då mykje betre. Men eg hadde på det tidspunktet allereie gitt vekk mange sekund til konkurrentane, sa Guro.
Annonse
– Kor viktig er det for deg å bli tatt ut til juniorverdsmeisterskapen, Guro?
– Junior-VM har vore det store målet heilt sidan eg starta oppkøyringa til denne sesongen, sa Guro som har fått eit løft som skiskyttar i vinter.
Toppnivået har aldri vore høgare. Mest gledeleg er det at ho har fått stabilisert skytinga.
Junioralder i to år til
Guro Femsteinevik konkurrerer i vinter det første året i klasse 20-22 år. Det inneberer at ho held junioralder i to år til. Guro vil få to sjansar til i denne klassen. Stortalentet fekk sin VM-debut i USA for to år sidan. Der var ho med i medaljestriden utan å ha fullklaff. Femsteinevik har tatt nye steg sidan hun representerte Norge.
Dei stega har også konkurrentane gjort. Derfor er det like vanskeleg å hevda seg som det har vore for den dedikerte skiskytteran, som no får representera fedrelandet på ny.
