Strålande skyting av Andreas
Under Westcon Cup på Stord i helga heldt 18-åringen fram med den fine formen han demonstrerte under Landskyttarstemnet.
Publisert
Finalen i årets Westcon cup vart sundag arrangert på Isdal av Stord skyttarlag. Av Kvinnherad-skyttarane med best resultat var Andreas Hus Hansen, som skyt i klassen eldre junior. Han henta heim 343 poeng, med 21 innertreff.
Han deltok også i superfinalen for å kåra beste ståandeskyttar, der eldre junior-klassen fekk bryna seg på skyttarane i klasse 3 til 5. Med 92 poeng på ti ståande skot var det berre klasse 5-skyttarane Heine Nes, Stord, og Svein Magne Stokkevåg, Vindafjord, som var betre enn Andreas Hus Hansen, som skyt for Kvinnherad Skyttarlag.
