Storsiger i European League

Tina Abdulla noterte seg for fire mål i oppgjeret i European League. Sigeren førte Storhamar opp i puljeleiinga, og dei treng no eitt poeng til for å sikra seg avansement.

Kroatiske Podravka hadde ei enorm rekke utan tap før møtet med gulkledde hamarsingarar, og ein måtte tilbake til 19. februar i fjor for å finna siste tapet deira. På Hamar var dei sjanselause mot eit heimelag som festa grepet tidleg og leia 19-11 til pause.

Storhamar er i god form for tida. Onsdag vart ein tur til Follo krona med 12-målssiger 33-21. Tina Abdulla hadde ein roleg dag på jobben den kvelden, og scora to mål.