Sterk og viktig siger for Trio

Bremnes kunne gått opp til tabelltoppen med siger på Husnes laurdag. I staden kunne Trio løfta seg sjølv opp frå botnplassen.

– Denne er viktig, sa ein særs nøgd Øystein Ersland etter kampslutt.

Han stod ved sidelinja i 90 minutt pluss overtid og kuska spelarane sine fram mot tre kjærkomne poeng. Ersland fekk sjå Emil Voster laga 1-0 ti minutt ut i kampen, etter at keeper blokka eit Åsmund Voster-skot, og veslebror Emil var først på returen.

Den eldste av dei tre Voster-brørne var også nest sist på 2-0, etter å ha stussa eit langt Lillesletten-innkast vidare til Sondre Soma Ersland.

3-0 kontring på overtid i første omgang.

– Bremnes stod høgt, og me fekk fleire kontringar på dei. Alkan (Abdula) kom aleine med keeper og vippa over han. Me var gode i første omgang, vurderte han.

– Alle gjer jobben

Like etter timesmerket fekk Bremnes nettkjenning, og la eit trykk på Trio. Dei neste minutta var farlegast rundt reduseringa, så fekk Trio justert seg inn. Dei siste 20 var det berre dei lange opp mot 16-meteren til Trio som Bremnes eigentleg fekk gjort, sjølv om det var det

– Me hadde ganske god kontroll på dei lange oppspela deira, vurderte Ersland etter kampen.

Det var mellom anna fordi Åsmund Voster og Eivind Saghaug tok mål av seg om å bestemma i eige felt, og gjorde det svært vrient for bømlingane å skapa noko.

– No er det er vidope. Tredje siste plass kan vera nok til å halda seg, så det er der me jobbar for å koma. Alle poeng er viktige slik det er no, men det er kjekt å slå eit topplag etter nedsablinga førre helg. Det er dette som må til for å ta poeng her, alle må gjera jobben, og i dag gjer me det me ikkje gjorde mot Djerv (7-0-tapet førre helg, journ.merk). Då er det veldig moro at me får betalt for det når alle følgjer planen og gjer det same, slutta ein nøgd, Trio-trenar.