Stafetten går som planlagt

Fredag kveld opplyste IBU (Det internasjonale skiskyttarforbundet) at stafettane stod i fare for å bli avlyste grunna vêrmeldingar som varsla sterk vind. Vinden kunne utgjera ein fare for løparar og publikum i dei skogkledde delane av løypa.

Men laurdag føremiddag skriv IBU at dei saman med organisasjonskomiteen i Oberhof har bestemt å halda fram med konkurranseprogrammet som planlagt. Dette etter konsultasjonar med skogmyndigheitene og vêrekspertar. Rett nok legg dei til at det vert halde løpande dialog om situasjonen.

Vonleg vert det dermed herrestafett klokka 11.45 og damestafett, med Ragnhild Femsteinevik på 3. etappe for Norge, klokka 15.00.