Amalie Sundal Utne (t.v.), Peder Sundal Utne og Tomas Hjortland klatra heilt til topps i mixstafetten under skiskyttarfestivalen på Liatoppen.

Stafett-siger til lokale skiskyttarar

Skiskyttarane si sesongavslutning på Liatoppen i Hallingdal er verdas største skiskyttarfestival for unge. Fredag gjekk tre kvinnheringar til topps i mixstafetten for 11- og 12- åringar.

Håvard Sætrevik
Redaktør/Grenda
Publisert Sist oppdatert

Skiskyttarfestivalen Liatoppen har heile 950 unge påmeldte totalt i år. Fredag gjekk mellom anna mixstafetten for 12-åringane, med eit reint Kvinnherad-lag i Hålandsdalen-drakt.

Peder Sundal Utne gjekk 1.etappe, og vart avløyst av tvillingsøstera Amalie, som gjekk andre etappe. Tredje og siste etappe tok Tomas Hjortland seg av. I tillegg til å gå med høg fart i sporet, skaut trioen veldig godt, og klarte seg utan strafferundar.

Vinnarmarginen vart også rett ut formidabel. Sundal Utne, Sundal Utne og Hjortland vann på tida 37,26 minutt, 2,47 minutt før Asker på andreplass.

sport skiskyting
Powered by Labrador CMS