Sprintrenn og Telenorkarusell
Tysdag kveld var det nytt renn i årets skikarusell, denne gongen med sprintrenn.
Publisert
Dei gode snøtilhøva i Fjellhaugen var ein invitasjon til nye langrennstevlingar.
– Me hadde først barnerenn med vanleg løype, og såg allereie her god innsats og andpustne barn i mål. Deretter køyrde me intervallstart med tette intervall på dei i alderen 8 år og til og med 10 år. Til slutt køyrte me 11 år og opp i ulike heat med fellesstart, forklarer Gina Hella Berge-Soldal frå arrangørklubben Uskedal IL.
Annonse
Skifolket gjorde sitt for å skapa den gode sprintstemninga, med trykk frå publikum og musikk i anlegget. Rennet var ein del av Telenorkarusellen, som blant anna betydde premiar frå sponsoren.
– Det var veldig god innsats på alle. Og så var det kjekt med løp der me såg løparane heile vegen gjennom løpet, sluttar Berge-Soldal.
