Sølv og bronse til Maren og Lilli
Både Maren Næss Våge og Lilli Tuften Aksnes-Øystese representerte Norge i kvar si NEVZA-turnering i volleyball. Begge sikra seg medalje.
Publisert
Ungdoms- og juniorlandslaga i volleyball deltok nyleg i Nord-Europeisk meisterskap. NEVZA (The North European Volleyball Zonal Association) arrangerte meisterskap i Danmark 14.-16. oktober for U17 og på Færøyane 25.-27. oktober for U19. Det var Danmark, England, Færøyane, Finland, Island, Sverige og Norge som deltok.
Strand-Ulv var representert både på U17- og U19-laget. Maren Næss Våge spelte på U17 og Lilli Tuften Aksnes-Øystese på U19. Begge er libero.
Annonse
Fyrst ut var Maren, som tok seg til finalen etter at Norge vann over Island og Finland i dei innleiande kampane. I semifinalen møtte dei igjen Island og vann 3-2. Finalen var mot Finland. Då vart det for tøft for Maren og gjengen, som med det reiste heim med sølv i bagasjen.
Bronse
Lill var i år kaptein for U19-laget. Dei vann fyrste innleiande kamp mot Færøyane, men vart slått av Danmark. Deretter slo dei England, men semifinalen mot Sverige vart for vanskeleg. Dermed vart det bronsefinale-kamp mot Island. Denne vann Norge 3-2.
